Hörmətli Maqomedəli Maqomedoviç!
Dağıstan Respublikası Dövlət Şurasının sədri vəzifəsinə seçilməyiniz münasibətilə Sizi təbrik edirəm.
Sizə yenidən yüksək etimad göstərilməsi qardaş Dağıstanda sabitliyin möhkəmləndirilməsi, sosial-iqtisadi və mədəni inkişafın təmin edilməsi işində Sizin danılmaz xidmətlərinizə sübutdur.
Biz Azərbaycanla Dağıstan arasında tarixən təşəkkül tapmış dostluq əlaqələrinə, bizim mehriban qonşuluq və bir-birimizə kömək ənənələrimizin genişləndirilməsinə və dərinləşdirilməsinə böyük əhəmiyyət veririk. Sizə möhkəm cansağlığı, xoşbəxtlik, bütün Dağıstan xalqlarına sülh və tərəqqi arzulayıram.
Hörmətlə,
Heydər Əliyev,
Azərbaycan Respublikasının Prezidenti.