Amerika Birləşmiş Ştatlarının Prezidenti zati-aliləri cənab Corc Buşa - Bakı şəhəri, 11 sentyabr 2002-ci il


Hörmətli cənab Prezident!

Bütün bəşəriyyəti dəhşətə gətirmiş 11 sentyabr terror hadisələrinin ildönümü ilə əlaqədar Sizə və Amerika xalqına dərin hüznlə başsağlığı verirəm.

Biz terrorizmi qətiyyətlə pisləyir, onun bütün təzahürlərinə qarşı mübarizəni dəstəkləyirik.

Məmnunluq hissi ilə qeyd edirəm ki, ölkəmizin beynəlxalq antiterror koalisiyasında iştirakı Azərbaycan ilə ABŞ arasında əməkdaşlığın daha da dərinləşməsinə xidmət edir.

Hörmətlə,

HEYDƏR ƏLIYEV

Azərbaycan Respublikasının Prezidenti