Morteza Haci: Cənab Prezident, ölkəmizə xoş gəlmisiniz! Sizi görməyimizdən çox şadıq və özümüzə gözaydınlığı veririk.

 Heydər Əliyev: Sağ olun, Təşəkkür edirəm. Mən də çox məmnunam. Gəlmişəm və sizinlə yenidən görüşürük.

Morteza Haci: Allaha çox sükür! Səfəriniz rahat keçəcəkdir.

 Heydər Əliyev: Burada rahatdır. Elə bir narahatlıq yoxdur.

Morteza Haci: İnşallah, burada olduğunuz vaxt Sizin üçün rahat, xatirəli və yaddaqalan olacaqdır.

Heydər Əliyev: İnşallah, mən də belə düşünürəm.

Morteza Haci: Arzu edirəm ki, burada daha çox qalasınız. Sizinlə bir yerdə olmaq çox şərəflidir.

 Heydər Əliyev: Mən sonra İrana rəsmi səfərə gələcəyəm, burada çox qalacağam.

Morteza Haci: Biz bu səfəri çoxdan gözləyirik. İrana səfərinizin böyük əhəmiyyəti vardır.

 Heydər Əliyev: Elə mən də çoxdan gözləyirdim.

Morteza Haci: Mənə belə söyləyirlər ki, Siz İrana sentyabrda rəsmi səfərə gələcəksiniz.

 Heydər Əliyev: Bəli.

Morteza Haci: Cənab Prezident, Sizə bir daha «xoş gəlmisiniz!» deyirəm.

 Heydər Əliyev: Sağ olun.