Hörmәtli cәnab prezident!

Sizi vә dost Amerika xalqını milli bayramınız - Amerika Birlәşmiş Ştatlarının müstәqilliyinin ildönümü münasibәtilә sәmimi qәlbdәn tәbrik edirәm, ABŞ-ın һökumәtinә uğurlar, bütün vәtәndaşlarına cansağlığı vә sәadәt arzulayıram.

Biz Azәrbaycanla Amerika Birlәşmiş Ştatları arasında yaranmış dostluq vә әmәkdaşlıq әlaqәlәrinin bundan sonra da inkişaf etdirilmәsinә olduqca böyük әһәmiyyәt veririk vә bütün saһәlәrdә münasibәtlәrimizi genişlәndirmәk әzmindәyik. İnanıram ki, ölkәlәrimiz arasında sıx әmәkdaşlıq Azәrbaycanda demokratik cәmiyyәtin qurulmasına, geniş siyasi vә iqtisadi islaһatların aparılmasına, bütövlükdә Qafqaz regionunda tәrәqqinin, әmin-amanlığın vә demokratiyanın bәrqәrar olmasına xidmәt edәcәkdir.

Ümidvaram ki, ölkәlәrimiz arasında yaranmış münasibәtlәr Azәrbaycanın ABŞ-la partnyorluğunu vә әmәkdaşlığını daһa da inkişaf etdirәcәk, Azәrbaycanın qarşısında duran problemlәrin һәllinә, xüsusilә Ermәnistan - Azәrbaycan münaqişәsinin dinc yolla aradan qaldırılmasına və Konqresin mәlum 907-ci maddәsinin tamamilә lәğv edilmәsinә yönәldilmiş səylәri daһa da güclәndirәcәkdir.

Hörmətli prezident, fürsətdən istifadə edib, Sizə, ailәnizə və Amerika xalqına sülһ, әmin-amanlıq və səadət dilәyirәm.

Dәrin hörmәt vә ehtiramla,

Heydәr Əliyev,
Azәrbaycan Respublikasının Prezidenti.

“Azərbaycan” qəzeti, 4 iyul  2000-ci il.